~ SAMBEL TARASI KHAS ~

Si Mi'un jeung si Saduy sosobatan dileuleutik, di keur
meumeujeuhna nongtot leho, nepi ka ayeuna geus gede ge
angger nongtot leho. Kamamana ulin atawa neang pi usahaeun
teu weleh duduaan... Lir ibarat peueut jeung amisna, atawa
tarasi jeung bau na, kawas cabe jeung lada na, uyah jeung
asinna, komo mun make bonteng,jambu aer,atawa gedang
ngora mah kacipta we seger na rujak tengah poe,,, geus heula
da lain rek ngajak ngarujak tadi na oge..

Tisaprak buburuh ngangon munding nu ki Ihan, sapopoe dua
an sobat ieu pangulinan ngan di sawah, dahar ngaliwet
balakecrakan di saung nu aya di sawah tempat ngangon... tapi
sanajan dahar unggal poe di saung nu ki Ihan di tengah sawah,

Bari ngangon, nungguan munding,,, der we saduy jeung Mi'un
ngalaliwet, jeung beuleum asin, beuleum peuteuy, teu kaliwat
sambel tarasi pangaresep si Saduy.

Asak liwet, Asin jeung sambel.. Bru wae sangu jeung sambel
mah di tamplok keun kana daun cau nu geus diamparkeun ku si
Mi'un. Der dalahar liwet dina amparan daun cau.

Satengahing nikmat na dahar, bari nenjo pamandangan sawah,
ngalimed duaan kana sangu liwet, beuleum asin, peuteuy nu
tuluy di cocol kana sambel tarasi dina daun cau tadi...
si Saduy ujug-ujug ngaburakeun sangu nu keur di gayem, bari
ngelel..pek ciciduh hareupeun si Mi'un, puguh letah na asa
renyem semu pait katambah aya rasa semu ateul kana letah.
si Mi'un nu keur ngalimed dahar Tuluy eureun nyapekna, reuwas.
si saduy mencrong sambel tarasi dina daun cau,nu kakara di
cocol ku peuteuy. Sihoreng eta daun cau teh soeh, da tuluy di
cocolan bangun sumanget dahar nikmat. Panasaran si saduy
nyingkabkeun daun cau nu di pake tilam dahar. Sanggeus daun
cau disingkirkeun, sihoreng sambel tarasi nu di coelan dina daun
cau teh dihandapna aya Tai Munding. lila lila dicoelan, daun cau
soeh...meureun si Saduy haben wae nyocol peuteuy kana
Timund...

''Jadol...paingan sambel teh beuki lila teh asa lain...jadi semu pait
jeung ateul...''