''ajengan leungit manuk''

Ajengan Ja'i , katelah ajengan nu resep miara manuk, matak teu aneh mun unggal isuk Geus heheotan mawa ulin manuk ngarah disada. Mun kabeneran ningali mah,kadang manehna ngaheotan manuk bari ngagulung-gulung sarung na,teu karasaeun 'manuk' manehna oge milu unggut-unggutan katingali da sarung ngangkat ngagulung dina cangkeng.

Hiji mangsa manuk piaraan ajengan Ja'i aya nu maling, geus kadua kali na ajengan Ja'i kaPalingan manuk. Sabab kesel, Ajengan Ja'i boga niat, ieu masalah rek di bahas dina pangajian rotin di madrosah.

Dina pangajian, kabeneran harita mah giliran ngabahas ihwal 'katengtreman rumah tangga'. tapi Ajengan Ja'i nyempetkeun oge ngabahas hal-hal nu dilarang Agama conto na Maling. Geus ngabahas dina dalil, ngaler ngidul ceramah, pok weh Ajengan Ja'i mere pertanyaan ka jama'ah pangaosanna, nu geus jadi unek-unek di kamari. Nu maksud Hayang kapanggih,saha bangsat manuk manehna.

Aj.Ja'i :''cik ayeuna kuring naros.. saha wae nu ngagaduhan manuk ???
der, sakum jama'ah lalaki kabeh narangtung bari nyekelan kana sarung masing-masing. Ajengan Ja'i reuwas, 'sigana mah Dewek salah nanya' kitu gerentes hate na.

Aj. Ja'i:''aeh, maksad teh sanes eta.. Cik saha nu kantos ninggal atanapi nyo'o manuk..????''
ditanya kitu sakum jama'ah ibu-ibu narangtung bari nahan seuri semu era. Ajengan Ja'i geumpeur, da ngarasa geus salah deui nanya na,..

Aj. Ja'i:'' duh... Punten... Maksad teh sanes manuk eta... Tapi... Cik, saha nu kantos ninggal Manuk nu Simkuring..???''
Ditanya kitu, mimiti mah ngan saeutik nu nangtung bari era, teu lila kabeh jama'ah milu narangtung, celetuk salah saurang ibu nu ngaji ngomong bari semu era..:
''hapunten ajengan,abdi mah da teu ngahaja ngintip,mung kaleresan abdi ngalangkung waktos ajengan nuju moyan, eta sarung nu di anggo na suek.''
Gerr jama'ah kabeh sareuseurian... Ajengan Ja'i ngaleos teu pamit bari nutupan beungeut nu beureum siga beuleum beusi.